Авылыбыз тарихында сугыш һәм хезмәт ветераннары бик күп яшәгән. Мостафа Исхаков, Миңнулла Нәбиуллин кебек туган авылыбызның үткән тарихын күңел түрендә саклаучылар мәктәбебезнең яшь эзтабарларына төрле сорауларга җавап табуда ярдәм иттеләр. “Авылыбызда булган кайсы вакыйга синең күңелдә саклана? -”дигән сорауга алар күп нәрсәләр турында сөйләделәр.

Татар халкының бахисап күп мөнәҗәт, мәкаль, зарлы еглау – сыктаулары, көйле бәетләре бар. Аларның нигезендә кайгылы яисә көлкеле вакыйга ята. Тормышта төрле фаҗигале хәлләр һаман булып тора. Мондый хәлләр китергән авыр югалтуларга карата кеше, үзенең рухи реакциясен чагылдыруның бер чарасы буларак, бәет иҗат итә. Бәетчеләр иҗаты өчен генә хас бер үзенчәлек бар: ул бәетләрнең ярымъязма жанр булуы. Телдән, күңелдән иҗат ителү белән бергә, бәетләр язма рәвештә дә чыгарылалар һәм таралалар. Әгәр кабер ташлары, рухи культураның материаль чагылышы буларак, озак еллар дәвамында саклана алсалар, бәет – рухи культураның тел-авыз иҗаты төре – тиз җуелырга, югалырга мөмкин. Әмма үсеш юлларында ныклы баганалар булып традицияләр саклана.

Исторические памятники - свидетельство вековых традиций народов, населявших край. В нашем районе особый интерес представляют памятники эпиграфики татарского народа.

Урсаем. (җыр)

Мин синдә тудым бит.
Мин синдә үстем бит.
Синдә үтте мәктәп еллары.

Эх, син минем туган авылым.
Урсаем син гүзәлем.
Гөрләп тор кичләрен кон саен.

Истә аланнарың,
Истә болыннарың.
Сызылып аткан алсу таңнарың

Эх, син минем туган авылым.
Урсаем син гүзәлем.
Гөрләп тор кичләрен кон саен.