Воскресенье, 27.07.2025, 12:28	Приветствую Вас Гость
Урсай

Блог

Главная » » Зелпе

23:44

Зелпе

Йөргәнем бар сызаларда
"Әбиләр чуагы"нда,
Күм-күк җимешләр өлгергәч,
Бөрлегән сабагында.
Сызаларда йөреп аргач,
Күңел өскә тартыла,
Гаҗәеп зелпе куагы
Пәйда була каршымда.
Яфраклары әверелгән
Тоташ ап-ал чәчәккә,
Ничек кенә сокланмыйсың
Көзге мондый бизәккә.
Ефәк төсле ал яфраклар
Җилфердиләр җилләргә,
Көзнең мондый манзарасын
Нәрсә белән тиңләргә?
Хәйран калып карап тордым
Шул зелпегә сокланып,
Табигатьнең тылсым көче
Барлыгына куанып.